GeO-RaP

ყურადღება

ADMIN — Wed, 23 Feb 2011 11:09:01 GMT

მოგესალმებით საიტის ადმინისტრატორი .თუ თქვენ გაქვთ ჯგუფი ან ხართ რეპერი და გინდათ რომ თქვენი სიმღერა განთავსდეს ჩვენს საიტზე მაშინ გამოაგზავნეთ თქვენი სიმღერა და 1 ფოტო სურათი ელ.ფოსტის მისამართზე georap@mail.ru.ასევე სურათთან და სიმღერასთან ერთად უნდა იყოს შევსებული შემდეგი ბლანკი.
შემსრულებელი:
სახელწოდება:
გამოშვების წელი:
მუსიკა:
ტექსტი:
სტუდია:

P.S: თუ რომელიღაცა სიმღერა არ დაიდო საიტზე პრეტენზიები არ მიიღება და არ განიხილება.

სნუპ დოგი ბავშვთა ჯგუფის შექმნაზე ოცნებობს

oboba333 — Sun, 12 Sep 2010 22:54:53 GMT

რეპერმა სნუპ დოგმა მუსიკალური სუპერჯგუფის ჩამოყალიბება გადაწყვიტა. მისი ჩანაფიქრით, ჯგუფი მისი და ინგლისელი ფეხბურთელის, დევიდ ბექჰემის შვილებისგან დაკომპლექტდება.
რეპერმა აღნიშნა, რომ იდეის შესახებ ჯერ არაფერი უთქვამს თავად ფეხბურთელისთვის. თუმცა, დარწმუნებულია, რომ ბავშვებს, „სადებიუტო სინგლი“ საშობაოდ მზად ექნებათ.
საინტერესოა, რომ სნუპმა პროექტში უკვე მოიწვია მისი კოლეგები - Bow Bow და Soulja Boy.

ტიმატი ტანისამოსის საკუთარ ხაზს გვთავაზობს

oboba333 — Sat, 11 Sep 2010 08:23:13 GMT

ცნობილმა რუსმა მომღერალმა ტიმატიმ გამოფენის „Collection Premiere Moscow“ ჩარჩოში გამართულ პრეს-კონფერენციაზე ტანისამოსის საკუთარი ბრენდი წარმოადგინა.
მუსიკოსის განცხადებით, ტანსაცმლის ხაზის მთელ მსოფლიოში გაყიდვა მის სამომავლო გეგმებში შედის. არტისტის აზრით, დღევანდელი ეკონომიკური სიტუაციის მიხედვით, მაღაზიათა ქსელის გახსნა არარენტაბელურია.
ტიმატი იმედოვნებს, რომ მისი ტანისამოსის ხშირი მომხმარებლები მისივე შემოქმედების თაყვანისმცემლები იქნებიან. სწორედ ამის გამო, მომღერალმა ბრენდის გაყიდვა ინტერნეტის დახმარებით გადაწყვიტა.
„დარწმუნებული ვარ, რომ ჩემი სამოსის ინტერნეტ-მაღაზიით კარგად გაიყიდება, რადგან ქსელში ჩემი აუდიტორიის უდიდესი ნაწილია ჩართული.“- აცხადებს ტიმატი.
ტანსაცმლის წარმოება პირველი ეტაპისთვის რუსეთში მოხდება, ხოლო როდესაც გაყიდვების რაოდენობა გაიზრდება წარმოება ჩინეთში გადავა. სამოსის საშუალო ფასი 40 დოლარს შეადგენს.

T.I.-სა და მარიხუანას საბედისწერო სიყვარული

oboba333 — Fri, 03 Sep 2010 22:33:59 GMT

რეპერები რომ მარიხუანას დიდი მოყვარულები არიან, დიდად გასაკვირი ფაქტი არ არის. ალბათ, რაც ის გაგიკვირდებათ, რომ T.I. სწორედ ამ ნივთიერების ქონის გამო წააბრძანა პოლიციამ განყოფილებაში.
29 წლის T.I. მეუღლესთან ერთად საგზაო წესების დარღვევით მიემართებოდა ჩვენთვის უცნობი მიმართულებით, როდესაც სამართალდამცავებმა მისი მანქანა გააჩერეს, აკრძალული ნივთიერების სუნი იყნოსეს და შესაბამისად, მარიხუანაც მალევე აღმოაჩინეს.

რა სასჯელს დაიმსახურებს რეპერი, ჯერჯერობით გაურკვეველია.
თუმცა, მისი საქმე რომ მთლად კარგად არ არის, შეამჩნევდით

კენი ვესტი და ჯეი-ზი ერთობლივ EP–ის გამოუშვებენ

oboba333 — Thu, 02 Sep 2010 18:24:23 GMT

სკანდალებით სახელგანთქმულმა რეპერმა კენი ვესტმა განაცხადა, რომ „პარასკევების სიმღერები“ მხოლოდ ერთადერთი სიურპრიზი არ არის მისი თაყვანისმცემლებისთვის.
ჯერ-ჯერობით ცნობილია, მხოლოდ ორი მათგანი: სინგლის „Power“ რემიქსი და ახალი სიმღერა „Monster“, რომელიც Jay-Z-თან, ჯასტინ ვერნონთან (ჯგუფიდან „Bon Iver“), რიკ როსთან და ნიკ მინაისთან ერთად ჩაწერა.
ორი რეპერის EP რელიზის თარიღი ჯერ-ჯერობით უცნობია. ვესტი არც იმას აკონკრეტებს, შევა თუ არა ახალი სიმღერა „Monster“, მის ახალ სტუდიურ ალბომში, რომლის რელიზიც 16 ნოემბერს არის დაგეგმილი.
შეგახსნებთ, რომ კენი ვესტს და Jay-Z–ს უკვე აქვთ თანამშრომლობის გამოცდილება. 2008 წლის სექტემბერში T.I. გამოუშვა სინგლი „Swagga Like Us“, რომელის ჩაწერაშიც კენი ვესტმა, Jay-Z და ლილ უაინმაც მიიღეს მონაწილეობა.
2009 წლის აგვისტოში კი,Jay-Z ჩაწერა სინგლი „Run This Town“, სადაც რიანასთან და კენი ვესტთან ერთად მღერის.

ლილ უეინი - აქტიური პატიმარი

oboba333 — Mon, 30 Aug 2010 10:47:23 GMT

ლილ უეინი ციხეშიც არ ისვენებს. მართალია ამერიკელი რეპერი 5 ნოემბერს გათავისუფლდება სამართალდამცავების ”ტყვეობიდან”, მაგრამ სულაც არ აპირებს, რომ გისოსებსმიღმა დარჩენილი დრო უმიზნოდ დაკარგოს.
მისი მერვე სტუდიური ალბომი ციხიდან გათავისუფლების დღესვე გამოვა, მანამდე კი მინიალბომი, ე.წ. EP, “I'm Not a Human Being”, დაატკბობს მისი ფანების ყურთასმენას.
უეინმა ერთწლიან პატიმრობას იარაღის უკანონო ტარება-შენახვის გამო გამოჰკრა ხელი, თუმცა, კარგი ყოფაქცევის გამო, სასჯელი 8 თვემდე შეუმცირდა.
ასე რომ, უეინი და მისი ალბომი ერთდროულად იხილავენ დღის შუქს.

„ბედნიერი პარასკევები “ კენი ვესტისგან

oboba333 — Fri, 27 Aug 2010 23:30:49 GMT

კენი ვესტმა თაყვანისმცმელებს სასიამოვნო სიურპრიზი მოუწყო. მუსიკოსი 20 აგვისტოდან შობამდე ყოველ პარასკევს, საკუთარ ვებ-გვერდზე ახალი კომპოზციის დემონსტრირებას გვპირდება. ეს არ იქნება მხოლოდ მისი შემოქმედება, არამედ მათიც, ვისთან ერთადაც თანამშრომლობს და რომელთა ალბომების პროდიუსერიცაა.
პირველ პარასკევს თაყვანისმცემლებმა საჩუქრად Jay-Z და Swizz Beatz-ის მონაწილეობით ჩაწერილი სიმღერის „Power“ რემიქსი მიიღეს.
„ვიცი, რომ თითოეულ თქვენგანს გსურთ ახალი მუსიკა. ამიტომ, გადავწყვიტე ყოველ კვირას ახალი თრექი შემოგთავაზოთ. ამას პარასკევობით გავაკეთებ. ეს არ იქნება მხოლოდ ჩემი სიმღერები, არამედ მათიც, ვისთანაც ვთანამშრომლობ“ - აცხადებს მომღერალი.
შეგახსენებთ, რომ კომპოზიცია „Power“, კენის ახალ ალბომში „Dark Twisted Fantasy“ იქნება შესული.

Jay-Z ჯგუფთან „U2“ ერთად ავსტრალიაში გამოვა

oboba333 — Thu, 26 Aug 2010 22:38:47 GMT

რეპერი Jay-Z მონაწილეობას მიიღებს ლეგენდარული როკ-ჯგუფის „U2“ მსოფლიო მაშტაბის საგასტროლე ტურნეში.
ირლანდიელი მუსიკოსების ავსტრალიური კონცერტები 25 ნოემბერს დაიწყება, რის შემდეგაც, მუსიკოსები მელბურნში, ბრისბენში და სიდნეიში გამოვლენ. კოლექტივის საგასტროლე ტურნე ქალაქ პერტში 18 დეკემბერს დასრულდება.
რეპერის და კოლექტივის თანამშრომლობა პირველი არ არის. მუსიკოსების ტანდემი წლის დასაწყისში, ჰაიტიზე მიწისძვრით დაზარალებულთა მხარდასაჭრად გამართულ ტელემარათონში სიმღერით „Stranded“ შედგა.

ემინემი ახალგაზრდა რეპერებს შეარჩევს

oboba333 — Wed, 25 Aug 2010 22:17:37 GMT

ემინემი ახალგაზრდა რეპ-შემსრულებლების კონკურსის ჟიურის თავმჯდომარედ აირჩიეს. ახალგაზრდა რეპერების კონსკურსი მუსიკოსის მშობლიურ დეტროიდში აგვისტოს ბოლოს გაიმართება.
ტიტულისთვის „საუკეთესო ჰიპ-ჰოპ შემსრულებელი“ რვა შემსრულებელი იბრძოლებს, რომლებიც რეგიონალური კონკურსებიდან შეარჩიეს.
შეგახსენებთ, რომ ემინემმა თავისი კანდიდატურა ტელეშოუს „X Factor“ ჟიურის შესთავაზა. რეპერმა აღნიშნა, რომ სურს ამ გზით ახალგაზრდა და ნიჭიერი რეპერები აღმოაჩიონოს და თვლის, რომ მის გარდა მათი ნიჭის შეფასებას ვერავინ შეძლებს.

კენი ვესტმა MTV Video Music Awards-ზე გამოსვლის უფლება მიიღო

oboba333 — Tue, 24 Aug 2010 16:04:32 GMT

New York Post-ის ინფორმაციით, კენი ვესტს 12 სექტემბერს ლოს-ანჯელესში MTV Video Music Awards-ის დაჯილდოების ცერემონიალზე გამოსვლის უფლება მისცეს.
შეგახსენებთ, რომ დაჯილდოების უკანასკნელ ღონისძიებაზე ვესტი უსიამოვნო ინციდენტის ავტორი გახლდათ. როდესაც ქანთრი მომღერალი ტეილორ სვიფტი ნომინაციის „საუკეთესო ვიდეო-შემსრულებელი“ გამარჯვებულად დასახელდა და სცენაზე მადლობის მოსახდელად ავიდა, რეპერმა მიკროფონი გამოსტაცა და განაცხადა რომ „ბიონსეს ვიდეორგოლი მისას ნამდვილად სჯობდა“.
სვიფტმა სიტყვის დასრულება ვერ შეძლო, მომხდარს კი, დიდი გამოხმაურება მოჰყვა: რეპერის რამოდენიმე კოლეგამ (მაგ: Jay Z) ღიად განაცხადა, რომ მისი საქციელი არასწორი იყო. სოციალური ქსელის მომხმარებლებმა კი, რეპერს ბოიკოტი გამოუცხადეს.
ასეა თუ ისე, MTV VMA 2010-ის ორგანიზატორებმა ვესტს ღონისძიებაში მონაწილეობა შესთავაზეს და ისიც დათანხმდა. უკვე ცნობილია, რომ დაჯილდოების ცერემონიალში მონაწილეობას აგრეთვე მიიღებენ Florence and the Machine და რეპერი Drake.