ამერიკლი რეპერი Jay-Z ყველაზე მდიდარი რეპერების სიის სათავეში კიდევ ერთხელ დაფიქსირდა, მან უკანასკნელი ერთი წლის მანძილზე გამომუშავებული 35 მილიონით დაიკავა რეიტინგის პირველი ადგილი. რეპერმა 50 ცენტმა, რომელმაც 2008 წელს Jay-Z –ს პირველი ადგილი დაათმობინა, ამჯერად მეოთხეზე ადგილზე, 20 მილიონი დოლარით განთავსდა, გასულ წელს მისი შემოსავალი 150 მლნ. დოლარი იყო. მეორე ადგილი რეიტინგში შონ “დიდდი” კომბსი გავიდა, 30 მლნ. დოლარით, სამეულს კი კენიუ უესტი 25 მლნ. დოლარით ხურავს. როგორც ჩანს Jay-Z-ის ოჯახში ყველაფერი შესანიშნავად მიდის, ცოტა ხნის წინ მისი მეუღლე, ბიონსე ნოულზი 30 წლამდე ასაკის ყველაზე მდიდარ ადამიანად დასახელდა. გამოკითხვა ისევ ჟურნალ Forbes-ის ეგიდით ჩატარდა და მასში თითქმის ყველა თანამედროვე ჰიპ-ჰოპ შემსრულებელი მონაწილეობდა.