მთავარი » 2010 » მაისი » 8 » Busta Rhymes
|

ტრევორ სმიტი (მისი ნამდვილი სახელი და გვარია) ნიუ-იორკში, ბრუკლინის რაიონში 1972 წელს დაიბადა. მუსიკა ძალიან უყვარდა. მეათე კლასში იყო, როდესაც მუსიკალურ კონკურსში იყო მონაწილეობა, რომლის სპონსორებიც ავტორიტეტული რეპერები ჩაკ დი და ჯგუფი „Public Enemy“ იყვნენ. ეს კი, მისი სერიოზული კარიერის საწყისი აღმოჩნდა - სამ მეგობართან ერთად, ბასტამ ჯგუფი „Leaders of the New School“ შექმნა და კონტრაქტი „Elektra Records“-თან გააფორმა.
მაშინ 17 წლის იყო... ორი ალბომი „Future Without a Past“ და „T.I.M.E.“ ჩაწერა. შემდეგ ის ისლამური რელიგიური სექტის წევრი გახდა, რამაც დიდი გავლენა მოახდინა რეპერზე. იგი აღარ იღებდა ღონისძიებებში მონაწილეობას და დროის უმეტეს ნაწილს სხვა არტისტებთან ატარებდა.
მისი ხმა და იდეები „Boyz II Men“-ის, მერი ჯეი-ბლიჯის და TLC-ის ალბომებში გაჟღერდა. განსაკუთრებით წარმატებული აღმოჩნდა თანამშრომლობა "А Tribe Called Quest“-თან - ერთობლივმა ნამუშევარმა „Scenario“ საერთაშორისო აღიარება მოიპოვა.
სამწუხაროდ, აღიარების მწვერვალზე მყოფს, ტრაგედია დაატყდა თავს... 1993 წელს, მეუღლემ მშობიარობისას პირველი ბავშვი დაკარგა. ბასტამ გამონახა ძალები და კარიერა განაგრძო... ერთი წლის შემდეგ კი მათ ბიჭი შეეძინათ. ამ პერიოდში არტისტი წამოვიდა „Leaders Of The New School“-დან და საყვარელი საქმიანობით დაკავდა.
პირველ რიგში, ეს იყო კინომატოგრაფია - კარგი როლი მიიღო ჯონ სინგლტონის ფილმში; სოლო-ალბომი LP „The Coming“ ჩაწერა, რომელიც 1996 წელს გამოვიდა; ამას კი კვალდაკვალ „When Disaster Strikes“ მოჰყვა. ცოტა ხანში კი, ტრევორმა საკუთარი ხმისჩამწერი კომპანია „Flipmode Entertainment“ გახსნა. გარდა ამისა, რეპერს სხვა ბიზნესიც აქვს - იგი „Bushi“-ის ტანსაცმლის ხაზს აწარმოებს.
ძალიან მალე, არტისტმა მესამე და ჯერ-ჯერობით ყველაზე ძლიერი პროექტი-ალბომი „Extinction Level Event - The Final World Front“ შექმნა, რომელშიც ოზი ოზბორნთან დუეტი „This Means War“ და ჯანეტ ჯექასონთან შესრულებული სიმღერა „What's It Gonna Be?!“ შედის.
პერსონალური ვებ–გვერდი: http://www.bustarhymes.com
|
ნანახია: 887 |
დაამატა: oboba333
| რეიტინგი: 5.0/1 |
|