MTV-ის მუსიკალური დაჯილდოების ცერემონიალის დაწყებამდე რამდენიმე საათით ადრე არავის ეპარებოდა ეჭვი იმაში, რომ ეს სანახაობა დიდხანს დაამახსოვრდებოდა მაყურებელს. შედეგმაც არ დააყოვნა, რადგან Kanye West-ი მოწოდების სიმაღლეზე აღმოჩნდა. როგორც წესი, დაჯილდოებების გარემო მასზე უარყოფითად მოქმედებს, თუმცა ის მაინც განაგრძობს მათში მონაწილეობას და არასოდეს არაა კმაყოფილი ჟიურისა თუ ხალხის გადაწყვეტილებით. წლევანდელი VMA-ც არ ყოფილა ამ მხრივ გამონაკლისი. Kanye-მ Taylor Swift-ს შეაწყვეტინა სამადლობელო სიტყვა და ხმამაღლა განაცხადა, რომ ეს ჯილდო მის მაგივრად Beyonce-ს უნდა მიეღო.. მიუხედავად იმისა, რომ ერთ საათში ოფიციალურ ბლოგზე რეპერმა თავისი საქციელი მოინანია, Kanye საღამოს ერთადერთ უარყოფით მოვლენად იქცა. წლევანდელი VMA ყველაზე დაბალანსებულად შეგვიძლია მივიჩნიოთ, რადგან ჯილდოების მაქსიმალური რაოდენობა Beyonce-ს და Lady Gaga-ს ხვდათ წილად და მათი რიცხვი მხოლოდ და მხოლოდ 3 იყო.. დაჯილდოებამ ცოცხალი შესრულებებით გაგვანებივრა, რომელთა უმეტესობა შოუს ჩვენებაზე იყო ორიენტირებული. ცერემონიის მიწურულს კი სცენაზე Madonna ავიდა, მოკრძალებული ჩაცმულობითა და მაკიაჟით, რითაც ყველას აჩვენა, რომ ჯერ კიდევაა შესაძლებელი ტანსაცმელზე რკინა-ბეტონის აქსესუარებისა ან ზოგადად უტანსაცმლოდ სიმღერის გარეშეც იყო ათწლეულების საუკეთესო მომღერალი. 2009 წლის Video Music Awards-ი დასრულდა და შეიძლება ითქვას, რომ მოლოდინები გაამართლა. MTV-მ გვაჩვენა ყველაფერი, რაც შოუს დაუვიწყარს გახდიდა: სკანდალი, სანახაობა და რაც მთავარია ხარისხიანი მუსიკა, რამაც 2010 წლის მოლოდინი და იმედი დაგვიტოვა, რომ გაისად ყველაფერი უფრო საინტერესო იქნება.
თუ გაინტერებთ რა მოხდა Kaney Wastს და Taylor Swift ინციდენტის შემდეგ, http://ilya5050.ucoz.com/publ/taylor_swift_kanye_west_special/20-1-0-284 <<<<< ამ ლინკზე შედით :D:D
ისე ემინემმა მაგრად გვასახელა, 4 წელი კაცი სახლიდან არ გადიოდა, ნარკოტიკებზე იჯდა და პირველივე კლიპმა საუკეთესო ჰიპ-ჰოპ კლიპის პრიზი მიიღო
