ცნობილი ამერიკელი რეპერი კენი ვესტი ამჟამად მეხუთე სტუდიურ ალბომზე მუშაობს. ჰიპ-ჰოპ შემსრულებლის ახალი ალბომი ტანსაცმლის განსვენებულ დიზაინერს, ალექსანდრე მაკქუენს ეძღვნება და გაყიდვაში მიმდინარე წლის ნოემბერში გამოვა.
მსმენელს შესაძლებლობა მიეცემა ალბომიდან პირველი სინგლი „Lost in the World“ ან „All of the Lights“ (სახელწოდება ჯერ-ჯერობით ზუსტად არ არის განსაზღვრული) აგვისტოს ბოლოს მოისმინოს. გარდა ამისა, კენიმ განაცხადა, რომ ფირფიტაში შესული ყველა კომპოზიცია „ჰიტის“ სტატუსს იმსახურებს, რადგან მათზე მსოფლიოში საუკეთესო პროდიუსერებთან ერთად მუშაობდა.
