ვირტუალურმა ანიმაციურმა ჯგუფმა „Gorillaz“ პირველი საერთაშორისო ტურნეს „Escape To Plastic Beach“ გეგმა გამოაქვეყნა. გასტროლებს კოლექტივი იმავე სახელწოდების რელიზის პოპულარიზაციისთვის მართავს.

გამოსვლების სერია 25 ივლისს, დამასკოში დაიწყება, ტურნეს შემდეგი ნაწილი კი, 3 ოქტომბერს კანადის მონრეალში გაგრძელდება. ოქტომბრიდან დეკემბრამდე დეიმონ ალბარნის ჯგუფი ნიუ-იორკის, დუბლინის, მანჩესტერის, ლონდონის, ამსტერდამის, ბერლინის, ბრაიტონის, ანტვერპენის, პარიზის, მელბურნის, სიდნეის და ახალი ზელანდიის სცენებზე გამოვა.

შეგახსენებთ, რომ ჯგუფის „Gorillaz“ მესამე სტუდიური ალბომი „Gorillaz Plastic Beach“, გაყიდვაში მიმდინარე წლის მარტში გამოვიდა.