გამოცემა The Sun-ის ინფორმაციით, დიდ ბრიტანეთში მუსიკოსის წარმომადგენელმა დაადასტურა, რომ კომბსის “კრისტალ პალასის” მიმართ ინტერესი მართლაც აქვს და გარიგების ფასი 360 მილიონ გირვანქას შეადგენს. გარდა ამისა, ჰიპ-ჰოპის შემსრულებელს კიდევ ერთ, მაგრამ უფრო ტიტულოვან კლუბშიც სურს ინვესტიციის ჩადება.

“გასულ კვირაში პი დიდი ლონდონში საფეხბურთო ფუნქციონერებს შეხვდა და ახლა ფიქრობს რომელი კლუბი შეიძინოს. თავდაპირველად, საუბარი “პორტსმუთზე” იყო, მაგრამ მან “კრისტალ პალასის” ვარიანტი უფრო მიმზიდველად მიიჩნია. ის კლუბის ფინანსურ მდგომარეობას სტაბილურს გახდის და შეეცდება პრემიერლიგაში დააბრუნოს” - განაცხადა მუსიკოსის წარმომადგენელმა.