მალე ჯგუფი ცდილობს სადებიუტო ალბომი ჩაწეროს, მაგრამ სტუდია, რომელშიც მუსიკოსები მასალას ამუშავებდნენ, მოულოდნელად იხურება, რასაც კოლექტივში სერიოზული ცვლილება მოჰყვა: Eminem და Bizzare კოლექტივს ტოვებენ და მათ Kon Artis (დინონ პორტერი), Kuniva (ვონ კარსლაილი) და Bugz (კარნეილ პოლპიტსი) ანაცვლებენ.

მალე, Bugz-ს ერთ-ერთ წვეულებაზე ესვრიან... უბედურ შემთხვევამდე ცოტა ხნით ადრე კი, კოლექტივს Swift (ანდრე მური) უერთდება და საბოლოოდ ყალიბდება ჯგუფის სახე. თითოეული წევრი ჯგუფში დაკვრასთან ერთად, საკუთარი პროექტებითაც არის დაკავებული.

2000 წელს, ჯგუფი კონტრაქტს ლეიბლთან „Interscope Records“ აფორმებს და სადებიუტო ალბომზე „Devil's Night“ იწყებს მუშაობას, რომელის პროდიუსერიც ლეგენდარული Dr. Dre ხდება. ფირფიტის რელიზი 2001 წლის ივნისში შედგა.

ამ პერიოდში „D12“ ერთობლივ კომპოზიციას „911“ წერს „Gorillaz“-თან ერთად. 2002 წელს კოლექტივი ეხმარება ემინემს ალბომის „The Eminem Show“ ჩაწერაში და ფილმისთვის „8-Mile“, რომელშიც მთავარ როლს ემინემი ასრულებს, საუნთრექს წერს.